SaDviMzO'dhyAyaH

EvaMvidhAni karmANi gOpAH kRSNasya vIkSya tE|
atadvIryavidaH prOcuH samabhyEtya suvismitAH||1||

bAlakasya yadEtAni karmANyatyadbhutAni vai|
kathamarhatyasau janma grAmyESvAtmajugupsitam||2||

yaH saptahAyanO bAlaH karENaikEna lIlayA|
kathaM bibhradgirivaraM puSkaraM gajarADiva||3||

tOkEnAmIlitAkSENa pUtanAyA mahaujasaH|
pItaH stanaH saha prANaiH kAlEnEva vayastanOH||4||

hinvatO'dhaH zayAnasya mAsyasya caraNAvudak|
anO'patadviparyastaM rudataH prapadAhatam||5||

EkahAyana AsInO hriyamANO vihAyasA|
daityEna yastRNAvartamahankaNThagrahAturam||6||

kvaciddhaiyaGgavastainyE mAtrA baddha udUkhalE|
gacchannarjunayOrmadhyE bAhubhyAM tAvapAtayat||7||

vanE saJcArayanvatsAnsarAmO bAlakairvRtaH|
hantukAmaM bakaM dOrbhyAM mukhatO'rimapATayat||8||

vatsESu vatsarUpENa pravizantaM jighAMsayA|
hatvA nyapAtayattEna kapitthAni ca lIlayA||9||

hatvA rAsabhadaitEyaM tadbandhUMzca balAnvitaH|
cakrE tAlavanaM kSEmaM paripakvaphalAnvitam||10||

pralambaM ghAtayitvOgraM balEna balazAlinA|
amOcayadvrajapazUngOpAMzcAraNyavahnitaH||11||

AzIviSatamAhIndraM damitvA vimadaM hradAt|
prasahyOdvAsya yamunAM cakrE'sau nirviSOdakAm||12||

dustyajazcAnurAgO'sminsarvESAM nO vrajaukasAm|
nanda tE tanayE'smAsu tasyApyautpattikaH katham||13||

kva saptahAyanO bAlaH kva mahAdrividhAraNam|
tatO nO jAyatE zaGkA vrajanAtha tavAtmajE||14||

zrUyatAM mE vacO gOpA vyEtu zaGkA ca vO'rbhakE|
EnamkumAramuddizya gargO mE yaduvAca ha||15||

varNAstrayaH kilAsyAsangRhNatO'nuyugaM tanUH|
zuklO raktastathA pIta idAnIM kRSNatAM gataH||16||

prAgayaM vasudEvasya kvacijjAtastavAtmajaH|
vAsudEva iti zrImAnabhijJAH sampracakSatE||17||

bahUni santi nAmAni rUpANi ca sutasya tE|
guNa karmAnurUpANi tAnyahaM vEda nO janAH||18||

ESa vaH zrEya AdhAsyadgOpagOkulanandanaH|
anEna sarvadurgANi yUyamaJjastariSyatha||19||

purAnEna vrajapatE sAdhavO dasyupIDitAH|
arAjakE rakSyamANA jigyurdasyUnsamEdhitAH||20||

ya EtasminmahAbhAgE prItiM kurvanti mAnavAH|
nArayO'bhibhavantyEtAnviSNupakSAnivAsurAH||21||

tasmAnnanda kumArO'yaM nArAyaNasamO guNaiH|
zriyA kIrtyAnubhAvEna tatkarmasu na vismayaH||22||

ityaddhA mAM samAdizya gargE ca svagRhaM gatE|
manyE nArAyaNasyAMzaM kRSNamakliSTakAriNam||23||

iti nandavacaH zrutvA gargagItaM taM vrajaukasaH|
muditA nandamAnarcuH kRSNaM ca gatavismayAH||24||

dEvE varSati yajJaviplavaruSA vajrAsmavarSAnilaiH
sIdatpAlapazustriyAtmazaraNaM dRSTvAnukampyutsmayan
utpATyaikakarENa zailamabalO lIlOcchilIndhraM yathA
bibhradgOSThamapAnmahEndramadabhitprIyAnna indrO gavAm||25||