Jump to: navigation, search

saptadazO'dhyAyaH

zrIbAdarAyaNiruvAca

yaH purUravasaH putra AyustasyAbhavansutAH|
nahuSaH kSatravRddhazca rajI rAbhazca vIryavAn||1||

anEnA iti rAjEndra zRNu kSatravRdhO'nvayam|
kSatravRddhasutasyAsansuhOtrasyAtmajAstrayaH||2||

kAzyaH kuzO gRtsamada iti gRtsamadAdabhUt|
zunakaH zaunakO yasya bahvRcapravarO muniH||3||

kAzyasya kAzistatputrO rASTrO dIrghatamaHpitA|
dhanvantarirdIrghatamasa AyurvEdapravartakaH||4||

yajJabhugvAsudEvAMzaH smRtamAtrArtinAzanaH|
tatputraH kEtumAnasya jajJE bhImarathastataH||5||

divOdAsO dyumAMstasmAtpratardana iti smRtaH
sa Eva zatrujidvatsa Rtadhvaja itIritaH
tathA kuvalayAzvEti prOktO'larkAdayastataH||6||

SaSTiM varSasahasrANi SaSTiM varSazatAni ca|
nAlarkAdaparO rAjanbubhujE mEdinIM yuvA||7||

alarkAtsantatistasmAtsunIthO'tha nikEtanaH|
dharmakEtuH sutastasmAtsatyakEturajAyata||8||

dhRSTakEtustatastasmAtsukumAraH kSitIzvaraH|
vItihOtrO'sya bhargO'tO bhArgabhUmirabhUnnRpa||9||

itImE kAzayO bhUpAH kSatravRddhAnvayAyinaH|
rAbhasya rabhasaH putrO gambhIrazcAkriyastataH||10||

tadgOtraM brahmavijjajJE zRNu vaMzamanEnasaH|
zuddhastataH zucistasmAccitrakRddharmasArathiH||11||

tataH zAntarajO jajJE kRtakRtyaH sa AtmavAn|
rajEH paJcazatAnyAsanputrANAmamitaujasAm||12||

dEvairabhyarthitO daityAnhatvEndrAyAdadAddivam|
indrastasmai punardattvA gRhItvA caraNau rajEH||13||

AtmAnamarpayAmAsa prahrAdAdyarizaGkitaH|
pitaryuparatE putrA yAcamAnAya nO daduH||14||

triviSTapaM mahEndrAya yajJabhAgAnsamAdaduH|
guruNA hUyamAnE'gnau balabhittanayAnrajEH||15||

avadhIdbhraMzitAnmArgAnna kazcidavazESitaH|
kuzAtpratiH kSAtravRddhAtsaJjayastatsutO jayaH||16||

tataH kRtaH kRtasyApi jajJE haryabalO nRpaH|
sahadEvastatO hInO jayasEnastu tatsutaH||17||

saGkRtistasya ca jayaH kSatradharmA mahArathaH
kSatravRddhAnvayA bhUpA imE zRNvatha nAhuSAn||18||

||iti zrImadbhAgavatE mahApurANE pAramahaMsyAM saMhitAyAM navamaskandhE saptadazO'dhyAyaH||

See Also