From StotraSamhita
< Bhagavatam | Skandha 05
tRtIyO'dhyAyaH
zrIzuka uvAca
nAbhirapatyakAmO'prajayA mErudEvyA bhagavantaM yajJapuruSamavahitAtmAyajata||1|| |
tasya ha vAva zraddhayA vizuddhabhAvEna yajataH pravargyESu pracaratsu dravyadEzakAla mantrartvigdakSiNAvidhAnayOgOpapattyA duradhigamO'pi bhagavAnbhAgavatavAtsalyatayA supratIka AtmAnamaparAjitaM nijajanAbhiprEtArthavidhitsayA gRhItahRdayO hRdayaGgamaM manO nayanAnandanAvayavAbhirAmamAvizcakAra||2|| |
atha ha tamAviSkRtabhujayugaladvayaM hiraNmayaM puruSavizESaM kapizakauzEyAmbara dharamurasi vilasacchrIvatsalalAmaM daravaravanaruhavanamAlAcchUryamRtamaNi gadAdibhirupalakSitaM sphuTakiraNapravaramukuTakuNDalakaTakakaTisUtrahArakEyUranUpurAdyaGga bhUSaNavibhUSitamRtviksadasyagRhapatayO'dhanA ivOttamadhanamupalabhya sabahu mAnamarhaNEnAvanatazIrSANa upatasthuH||3|| |
Rtvija UcuH
arhasi muhurarhattamArhaNamasmAkamanupathAnAM namO nama ityEtAvatsadupazikSitaM kO 'rhati pumAnprakRtiguNavyatikaramatiranIza Izvarasya parasya prakRtipuruSayOrarvAktanAbhirnAma rUpAkRtibhI rUpanirUpaNamsakalajananikAyavRjinanirasanazivatamapravaraguNagaNaikadEza kathanAdRtE||4|| |
parijanAnurAgaviracitazabalasaMzabdasalilasitakisalayatulasikAdUrvAGkurairapi sambhRtayA saparyayA kila parama parituSyasi||5|| |
athAnayApi na bhavata ijyayOrubhArabharayA samucitamarthamihOpalabhAmahE||6|| |
Atmana EvAnusavanamaJjasAvyatirEkENa bObhUyamAnAzESapuruSArthasvarUpasya kintu nAthAziSa AzAsAnAnAmEtadabhisaMrAdhanamAtraM bhavitumarhati||7|| |
tadyathA bAlizAnAM svayamAtmanaH zrEyaH paramaviduSAM paramaparamapuruSa prakarSa karuNayA svamahimAnaM cApavargAkhyamupakalpayiSyansvayaM nApacita EvEtaravadihOpalakSitaH||8|| |
athAyamEva varO hyarhattama yarhi barhiSi rAjarSErvaradarSabhO bhavAnnijapuruSEkSaNaviSaya AsIt||9|| |
asaGganizitajJAnAnalavidhUtAzESamalAnAM bhavatsvabhAvAnAmAtmArAmANAM munInAmanavaratapariguNitaguNagaNa paramamaGgalAyanaguNagaNakathanO'si||10|| |
atha kathaJcitskhalanakSutpatanajRmbhaNaduravasthAnAdiSu vivazAnAM naH smaraNAya jvara maraNadazAyAmapi sakalakazmalanirasanAni tava guNakRtanAmadhEyAni vacanagOcarANi bhavantu||11|| |
kiJcAyaM rAjarSirapatyakAmaH prajAM bhavAdRzImAzAsAna IzvaramAziSAM svargApavargayOrapi bhavantamupadhAvati prajAyAmarthapratyayO dhanadamivAdhanaH phalIkaraNam||12|| |
kO vA iha tE'parAjitO'parAjitayA mAyayAnavasitapadavyAnAvRtamatirviSayaviSarayAnAvRta prakRtiranupAsitamahaccaraNaH||13|| |
yadu ha vAva tava punaradabhrakartariha samAhUtastatrArthadhiyAM mandAnAM nastadyaddEvahElanaM dEvadEvArhasi sAmyEna sarvAnprativODhumaviduSAm||14|| |
zrIzuka uvAca
iti nigadEnAbhiSTUyamAnO bhagavAnanimiSarSabhO varSadharAbhivAditAbhivanditacaraNaH sadayamidamAha||15|| |
zrIbhagavAnuvAca
ahO batAhamRSayO bhavadbhiravitathagIrbhirvaramasulabhamabhiyAcitO yadamuSyAtmajO mayA sadRzO bhUyAditi mamAhamEvAbhirUpaH kaivalyAdathApi brahmavAdO na mRSA bhavitumarhati mamaiva hi mukhaM yaddvijadEvakulam||16|| |
tata AgnIdhrIyE'MzakalayAvatariSyAmyAtmatulyamanupalabhamAnaH||17|| |
zrIzuka uvAca
iti nizAmayantyA mErudEvyAH patimabhidhAyAntardadhE bhagavAn||18|| |
||iti zrImadbhAgavatE mahApurANE pAramahaMsyAM saMhitAyAM paJcamaskandhE tRtIyO'dhyAyaH||
