From StotraSamhita
< Bhagavatam | Skandha 08
zrIzuka uvAca
iti vairOcanErvAkyaM dharmayuktaM sa sUnRtam| nizamya bhagavAnprItaH pratinandyEdamabravIt||1|| |
zrIbhagavAnuvAca
vacastavaitajjanadEva sUnRtaM kulOcitaM dharmayutaM yazaskaram| yasya pramANaM bhRgavaH sAmparAyE pitAmahaH kulavRddhaH prazAntaH||2|| |
na hyEtasminkulE kazcinniHsattvaH kRpaNaH pumAn| pratyAkhyAtA pratizrutya yO vAdAtA dvijAtayE||3|| |
na santi tIrthE yudhi cArthinArthitAH parAGmukhA yE tvamanasvinO nRpa| yuSmatkulE yadyazasAmalEna prahlAda udbhAti yathODupaH khE||4|| |
yatO jAtO hiraNyAkSazcarannEka imAM mahIm| prativIraM digvijayE nAvindata gadAyudhaH||5|| |
yaM vinirjitya kRcchrENa viSNuH kSmOddhAra Agatam| AtmAnaM jayinaM mEnE tadvIryaM bhUryanusmaran||6|| |
nizamya tadvadhaM bhrAtA hiraNyakazipuH purA| hantuM bhrAtRhaNaM kruddhO jagAma nilayaM harEH||7|| |
tamAyAntaM samAlOkya zUlapANiM kRtAntavat| cintayAmAsa kAlajJO viSNurmAyAvinAM varaH||8|| |
yatO yatO'haM tatrAsau mRtyuH prANabhRtAmiva| atO'hamasya hRdayaM pravEkSyAmi parAgdRzaH||9|| |
EvaM sa nizcitya ripOH zarIramAdhAvatO nirvivizE'surEndra| zvAsAnilAntarhitasUkSmadEhastatprANarandhrENa vivignacEtAH||10|| |
sa tannikEtaM parimRzya zUnyamapazyamAnaH kupitO nanAda| kSmAM dyAM dizaH khaM vivarAnsamudrAnviSNuM vicinvanna dadarza vIraH||11|| |
apazyanniti hOvAca mayAnviSTamidaM jagat| bhrAtRhA mE gatO nUnaM yatO nAvartatE pumAn||12|| |
vairAnubandha EtAvAnAmRtyOriha dEhinAm| ajJAnaprabhavO manyurahaMmAnOpabRMhitaH||13|| |
pitA prahlAdaputrastE tadvidvAndvijavatsalaH| svamAyurdvijaliGgEbhyO dEvEbhyO'dAtsa yAcitaH||14|| |
bhavAnAcaritAndharmAnAsthitO gRhamEdhibhiH| brAhmaNaiH pUrvajaiH zUrairanyaizcOddAmakIrtibhiH||15|| |
tasmAttvattO mahImISadvRNE'haM varadarSabhAt| padAni trINi daityEndra sammitAni padA mama||16|| |
nAnyattE kAmayE rAjanvadAnyAjjagadIzvarAt| nainaH prApnOti vai vidvAnyAvadarthapratigrahaH||17|| |
zrIbaliruvAca
ahO brAhmaNadAyAda vAcastE vRddhasammatAH| tvaM bAlO bAlizamatiH svArthaM pratyabudhO yathA||18|| |
mAM vacObhiH samArAdhya lOkAnAmEkamIzvaram| padatrayaM vRNItE yO'buddhimAndvIpadAzuSam||19|| |
na pumAnmAmupavrajya bhUyO yAcitumarhati| tasmAdvRttikarIM bhUmiM vaTO kAmaM pratIccha mE||20|| |
zrIbhagavAnuvAca
yAvantO viSayAH prESThAstrilOkyAmajitEndriyam| na zaknuvanti tE sarvE pratipUrayituM nRpa||21|| |
tribhiH kramairasantuSTO dvIpEnApi na pUryatE| navavarSasamEtEna saptadvIpavarEcchayA||22|| |
saptadvIpAdhipatayO nRpA vaiNyagayAdayaH| arthaiH kAmairgatA nAntaM tRSNAyA iti naH zrutam||23|| |
yadRcchayOpapannEna santuSTO vartatE sukham| nAsantuSTastribhirlOkairajitAtmOpasAditaiH||24|| |
puMsO'yaM saMsRtErhEturasantOSO'rthakAmayOH| yadRcchayOpapannEna santOSO muktayE smRtaH||25|| |
yadRcchAlAbhatuSTasya tEjO viprasya vardhatE| tatprazAmyatyasantOSAdambhasEvAzuzukSaNiH||26|| |
tasmAttrINi padAnyEva vRNE tvadvaradarSabhAt| EtAvataiva siddhO'haM vittaM yAvatprayOjanam||27|| |
zrIzuka uvAca
ityuktaH sa hasannAha vAJchAtaH pratigRhyatAm| vAmanAya mahIM dAtuM jagrAha jalabhAjanam||28|| |
viSNavE kSmAM pradAsyantamuzanA asurEzvaram| jAnaMzcikIrSitaM viSNOH ziSyaM prAha vidAM varaH||29|| |
zrIzukra uvAca
ESa vairOcanE sAkSAdbhagavAnviSNuravyayaH| kazyapAdaditErjAtO dEvAnAM kAryasAdhakaH||30|| |
pratizrutaM tvayaitasmai yadanarthamajAnatA| na sAdhu manyE daityAnAM mahAnupagatO'nayaH||31|| |
ESa tE sthAnamaizvaryaM zriyaM tEjO yazaH zrutam| dAsyatyAcchidya zakrAya mAyAmANavakO hariH||32|| |
tribhiH kramairimAllOkAnvizvakAyaH kramiSyati| sarvasvaM viSNavE dattvA mUDha vartiSyasE katham||33|| |
kramatO gAM padaikEna dvitIyEna divaM vibhOH| khaM ca kAyEna mahatA tArtIyasya kutO gatiH||34|| |
niSThAM tE narakE manyE hyapradAtuH pratizrutam| pratizrutasya yO'nIzaH pratipAdayituM bhavAn||35|| |
na taddAnaM prazaMsanti yEna vRttirvipadyatE| dAnaM yajJastapaH karma lOkE vRttimatO yataH||36|| |
dharmAya yazasE'rthAya kAmAya svajanAya ca| paJcadhA vibhajanvittamihAmutra ca mOdatE||37|| |
atrApi bahvRcairgItaM zRNu mE'surasattama| satyamOmiti yatprOktaM yannEtyAhAnRtaM hi tat||38|| |
satyaM puSpaphalaM vidyAdAtmavRkSasya gIyatE| vRkSE'jIvati tanna syAdanRtaM mUlamAtmanaH||39|| |
tadyathA vRkSa unmUlaH zuSyatyudvartatE'cirAt| EvaM naSTAnRtaH sadya AtmA zuSyEnna saMzayaH||40|| |
parAgriktamapUrNaM vA akSaraM yattadOmiti yatkiJcidOmiti brUyAttEna ricyEta vai pumAn bhikSavE sarvamOM kurvannAlaM kAmEna cAtmanE||41|| |
athaitatpUrNamabhyAtmaM yacca nEtyanRtaM vacaH| sarvaM nEtyanRtaM brUyAtsa duSkIrtiH zvasanmRtaH||42|| |
strISu narmavivAhE ca vRttyarthE prANasaGkaTE gObrAhmaNArthE hiMsAyAM nAnRtaM syAjjugupsitam||43|| |
||iti zrImadbhAgavatE mahApurANE pAramahaMsyAM saMhitAyAM aSTamaskandhE EkOnaviMzO'dhyAyaH||